Ашық есік күні

Қараөткел ІТ мектеп-лицейінде бүгін ата-аналарға арналып ашық есік күні ұйымдастырылды. Ашық есік күнінің мақсаты:ата-аналарды мектептегі оқу-тәрбие жұмысындағы  жаңартылған білім беру мазмұнымен  жақынырақ таныстыру және мектептегі іс-шараларға  белсене араласуға тарту. Барлық пәндер бойынша ата-аналар сабақтарға қатысып, сабақта қандай әдіс-тәсілдер қолданылатынын  білді .Ұл-қыздарының мектептегі өмірімен жақынырақ танысуға  ата-аналармен  бірге әкелер де  де қызығушылық танытты.

           Мектеп — жас ұрпаққа білім, тәрбие беретін мекеме.   Мектеп табалдырығын тарыдай болып аттаған оқушылар, он бір жыл бойы білім алып, таудай болып шығады. Сондықтан, сабаққа  қатысқан ата-аналар, ұстаздар қауымының, сабақтарды жаңаша  әдіс-тәсілдерді қолданып өткізген сәттері қатты қызықтырғанын атап өтті. Қай сабақ болмасын мұғалімдердің сабақ түсіндіру барысы, сабаққа жаңаша әдіс-тәсілдер мен көрнекіліктер, жасанды интеллект т.б. қолданатыны көрініп ақ тұр деген пікірлер ата-аналар тарапынан айтылып, мұғалімдерге рахметін айтып кетті. 

         Білімді, дені сау ұрпақ тәрбиелеп, ата-бабаларымыздан қалған мол рухани  ұлттық мұраны келешек ұрпақтың бойына дарыту –мектептегі ұстаздар қауымының басты  міндеті.